Стыян Холе

Стыян Холе
Асабістыя звесткі
Дата нараджэння	20 сакавіка 1969(1969-03-20) (55 гадоў)
Месца нараджэння	Хоксун[d], Эўрэ-Эйкер[d], Бускеруд, Нарвегія або Цёнсберг, Вестфал, Эстланд, Нарвегія
Грамадзянства	Нарвегія
Жонка	Anna-Birgitte Aga[d]
Дзеці	Odd-Olav Aga[d] і Oscar Aga[d]
Прафесійная дзейнасць
Род дзейнасці	пісьменнік, ілюстратар, дзіцячы пісьменнік, графік
Прэміі	Паўночная дзіцячая кніжная прэмія (2009)
Узнагароды	Bokkunstprisen[d] (2009) Прэмія Брагі ў галіне дзіцячай літаратуры[d] (2006) Прэмія Брагі адкрытага класа[d] (2010)

Стыян Холе (нарв.: Stian Hole; нар. 20 сакавіка 1969) — нарвежскі графічны дызайнер, ілюстратар і аўтар дзіцячых кніг.

Біяграфія

Стыян Холе нарадзіўся ў Хоксуне, на захадзе ад горада Драмен. Атрымаў адукацыю ў Нарвежскай нацыянальнай акадэміі рамёстваў і мастацкай індустрыі.

Як дызайнер Стыян Холе працуе з упакоўкай, лагатыпамі, тыпаграфікай, паштовымі маркамі, кніжнымі ілюстрацыямі і вокладкамі. Стварыў ілюстрацыі да кніг Ларса Собі Крыстэнсэна, Юстэйна Гардэра, Яна Гійу.

Дэбютаваў як пісьменнік у 2005 годзе кнігай Den gamle mannen og hvalen, за якую атрымаў Прэмію Міністэрства культуры Нарвегіі за найлепшы дэбют. У 2006 годзе выдаў кнігу Лета Гармана, за якую атрымаў Прэмію Брагі ў катэгорыі дзіцячай літаратуры. Стыян Холе таксама атрымліваў узнагароды за дызайнерскія працы, у тым ліку некалькі разоў нарвежскую прэмію за Найпрыгажэйшую кнігу года. Ілюструе кнігі калажамі з дапамогай Photoshop.

Жыве і працуе ў Осла.

Бібліяграфія

• 2005: Den gamle mannen og hvalen, ілюстраваная кніга
• 2006: Garmanns sommer, ілюстраваная кніга (беларускае выданне: Лета Гармана (2018), пер. Юліі Цімафеевай)
• 2008: Garmanns gate, ілюстраваная кніга
• 2010: Garmanns hemmelighet, ілюстраваная кніга
• 2013: Annas himmel, ілюстраваная кніга
• 2015: Morkels alfabet, ілюстраваная кніга, Cappelen Damm

Спасылкі

• Стыян Холе: «Як шмат агульнага ў тэатра і кніжкі з карцінкамі!»